Master Ziad

[Layyouss]

Ziad Rahbani

please keep this thread for his articles, music, photos and if you want, requests.

[Layyouss]

زياد الرحباني

التفاصيل

الشيطانُ يا وَلَدي يَكمُنُ في التفاصيل

!أمّا البـــــاقي فملائكـــة

ملاكٌ في الســـــــراي يسرحُ في التأجيل

وَملاكٌ في معــــراب يُمعِنُ في الإنجيــــل

وَآخـــرُ في المختــارة يُشـبه عزرائيل
أما عمرو مــوسى فيكره إسرائيل
والشــــيطان البــــاقي
يَكمُنُ في التفاصيـــل

الثلاثاء ٢٢ كانون الثاني ٢٠٠٨

[Layyouss]

التفاصيل [2]
زياد الرحباني

في إطار الحملة الأخيرة لدعم أسس المبادرة العربية للحلّ وتحصينها، تمكّنت قوى الأمن الداخلي بالتعاون مع عناصر من الأدلّة الجنائية، قرابة الساعة الثانية والثلث فجر اليوم، وبعد عملية رصد دقيق وتعقّب، من القبض على أربعة من الشياطين، ثلاثة منهم لبنانيون ورابع من التابعية السورية. وتبيّن بعد التحقيقات الأولية معهم أن لا علاقة لهم بـ«التفاصيل». وقد صرّح قائد المجموعة زهير ف. بأنهم لا يتعاطون إلا في «الجوهر».
في الإطار نفسه جدّد أمس الرئيس أمين الجميّل تمسّكه، رغم كل الصعاب، بالمبادرة العربية حلّاً مشرّفاً للجميع، حتى لو اقتضى الأمر عدم الرجوع الى التفاصيل نهائياً.

الأربعاء ٢٣ كانون الثاني ٢٠٠٨

[Layyouss]

[3]التفاصيل

زياد الرحباني

إنَّا نُفهِمُكمْ بالحُسْنَى----------- الوقتُ الباقي قليلْ
عَمَّمتُم قصّةَ أطفالٍ------------عن شَيطانِ التفاصيل
الرابعَ عشَرَ لن يصمد----------- حتى أوَّلْ إبريل
فَضُبُّوا حكومَتَكُم خَفَرا---------- ما عادَ البالُ طويل
رُدّوا العلّوشَ وشهَيِّب----------- ًخَفِّفوا عنّا التهويل
أتُعقَل نائلةُ مُعوّض-------------والعلّامةُ ميخائيل؟
كان المساطيلُ ثلاثة ----------- زِدتم عددَ المساطيل
وَالجعجعُ بَختُنا ليلياً------------كيف أطلَقهُ إميل؟
طبعاً سيُجاوبُ وهّابٌ---------- أو إذا شِئتُم قنديل
الذِلّةُ هَيهاتٌ مِنَّا-------------وبكُم قيدَ التحصيل
ليس البلدُ لَكُمُ وعَلى-----------رِقابِكُمُ طويل
شعبٌ يشتُمُكُم في الظُلمة--------يسهَرُ «ضيّ القَنَاديل»
يُطعمُهُ بَربَرُ يومياً------------- ثمَّ يُلبِسُهُ عَقيل
كَسَرَ العربيةَ «جورجُكُمُ--------- بوشٌ» وهذا دليل
فالأهبلُ نعتٌ والأهبَل-----------ْأيضاً أفعَلُ تفضيل
فَعْلُن فَعِلُن مَفْعولُ-------------نفَعْلُن فَعِلن مَفَاعيل
بَيتٌ مِثلُكُمُ لا معنى----------- لا يصلُحُ للتدليل
لَن يَنظُمَهُ عمروموسى----------لا الربَّ ولا التدويل

[Layyouss]

Ziad Rahbani Albums List:

Belly Dance (1972)
Bil Afra7 (1972)
Sahrieh - Songs (1973)
Nazl El Sorour (1974*)
Kyrie Eleison (1977)
Abou Ali(1979)
Film Amerki Taweel - Songs & Music (1981)
Shareet Ghair Hodoudi (1984)
Ana Mosh Kafer (1985)
Hodou2 Nesbi (1985)
Bi Hal Shakel (1986)
Amrak Sidna & Abtal Wu Haramieh - Songs & Music (1987)
Hakaya - Songs & Music (1987)
Lawla Fos7at l Amal - Songs & Music (1994)
Bema Enno (1996)
Monodose (2001)
Nos l Alef 500 (2006)

-----------------------------------------
with Fayrouz

Wa7doun (1979)

Ma3refti Fik (1985)
Fairuz At The Royal Festival Hall, London (1986)
Kifak Inta (1991)
Ila Assi(1995)
Mesh Kayen Hayk T'koun (1999)
Fayrouz Live At Beit el Deen (2001)
Wala Keef (2002)

[sanfour]

مِش عَاللاش ما بتلاقي خـ..ا الكلاب بكثرة إلّا بالمناطق الأرستقراطية.
منّا صدفة،
كميّة خـ...ا الكلاب بالـ Zone B أو C مثلا.لاحِظ بمناطقن،
قدّي مناطقنا تعتبر مشحّرة ومش صحيّة، بتِغْلَب
بالكلاب الداشرة إنّو تخـ...ا شي مرّة عا رصيف، حدّ فرمشيّة، ولا يمكن!
إنّو حتى لو عا سبيل إنّو نقلّد المناطق الأرستقراطية الراقية واللي كلها خـ...ا، مستحيل.
الكلاب هون بيعوّوا، بيعضّوا، بينعفوا المزبلة ما بيخلّوا عضمة فرّوج بمحلها، بيتلّوا الدني بس ما بيخـ...وا.
فظيعين من هالناحية، في عزّة نفس مخيفة عندهن، شو مصدرها ما بعرف، دكتاتورية البروليتاريا؟ عيشة التسكّع والشحادة؟ ممكن الكتام عا قلّة الأكل والأطباع اللي بتنتج عنّو.
حكمة اليوم: يا مَحْلى الكتام عند الخـ...ا

Ziad Rahbani/Al-Akhbar May 13,2009

[Layyouss]

«قحباء» يا مروان؟!
زياد الرحباني
(ملاحظة: يمكن السيد الوزير مروان محمد علي حمادة وعلى مسؤوليتي أن يَدَّعي عليَّ قبل قراءة الاسفاف التالي وذلك لكسب الوقت)
أنا لم أشاهده على التلفزيون لكني قرأت ما توجه به الى رئيس الجمهورية في الصحف، وربّما خفَّفَ ذلك من وَقعِ ما سَيلي: إنَّهُ البارون مروان حمادة يتكلم مرّة أخرى، إنَّه الشهيد الحي الأول في «المؤامرة الكبرى»، وقد قيل منذ زمنٍ أنه شفي كليّاً من ذيول المحاولة الآثمة بدليل مزاولته العمل السياسي كالمعتاد فهو يتكلم شبه يومي لكنه يستعمل مثلاً، كلمة القحباء في معرض الرد على رئيس جمهوريتنا جميعاً، نحن والبارون. يستعمل القحباء أو ما يعادلها من مفردات تزيد عادةً عند المراهقين في عمر معيَّن وتترّكز على الجنس والتزفير، يستطيع علماء النفس أن يفيدوكم بتفسيرها، ما العمل؟! من سَيلجم هذا النوع من «الشهيد الحي» عنّا؟! عن مشاعر الكثير من اللبنانيين لم يَحصِهِم لا هو ولا قوى الأكثرية! فالاستمرار على هذا النحو سيكون إبن قَحبَاء بلا شك. في الـ2005 كان كُل من ليس مع «14 فبراير»، «لَحّودياً-سورياً»، صار في الـ2006 «لَحّودياً-سورياً-إيرانياً» وسمعنا بالقَحباء، ماذا يَضمن، ومع حلول الـ2007، ألاّ يُضاف إلى وصفه، بعد الإيراني، أفغاني! وبم سيتهمنا «الناطق من فبراير» شيخ الحاقدين الباطنيين العاجزين بعد الـ «قِحاب»؟ هل سَمِعَ الأديب المرحوم سعيد تقي الدين بالـ «كزليَّة» يا أخ مروان؟ طبعاً، فهو لغوي ضليع. أكيد أنَّه يعرفها ولم يستعملها لأنّها أَسَفّ من القحباء، فتركها لأحدٍ آخر لم يجده في حينه، أمّا اليوم فيجده بسهولة لو كان على قيد الحياة. إنَّ كل ما يصدر عن البارون ليس بأقوال ولا أفعال، إنّه عارض مزمن من الإرتكابات، وكلما ارتكب تصريحاً، مثلاً، زادَ مكعباً اسمنتيا وعنصرين من الأمن الداخلي على أوسع وأزعج مربع أمني في رأس بيروت، وهو يفكر بتطوير المكعبات الى مستطيلات نظراً للغيظ الذي سيفجره بنفسه ومجتمعه قريباً. وهل إذا كان الوزير المذكور، وزيراً للاتصالات يستطيع أن يتصل بمن يشاء خارج لبنان وفي محيطه؟ إنّه يراقب اتصالاتنا، حسناً ومن يراقب اتصالاته؟ هل أصبحت الخيانة العظمى صغرى؟ حسنًا، لكنها ما زالت خيانة! هل ستمر كل أنواع وأحجام الخيانات هكذا ويبدأ النهار التالي من جديد بزحمة السير المنتجة وتكاذب الديمقراطية التوافقية والشحادة لدى بلدٍ عربي منسي و«نهاركم سعيد» و«عالم الصباح» وبالرئيس بري يراضي الأولاد المتخاصمين بعد العيد وأثناءه وآخر هلوسات عبد الحليم خدّام على «المستقبل» أو أحدث عارض ارتكاب للوزير حمادة. وسعر ربطة الخبز أو وزنها وحلويات الشيف رمزي لكي تكتمل معنا؟! لعنة الله على هذا الدوام وهذه الجمهورية. عيب!! ألا توجد «كزليّةٌ» أو حتى قحبة مُدَرَّبة في موقع أمني تضع حدوداً للمُصرّينَ على جعل المواطنين المتبقّين أتعس من شهداء يوميين أحياء؟ طالبنا الكثير من القرّاء والمواطنين بالرد على الوزير المذكور، أعزائي. لقد وصل الوزير حمادة الى حَدٍّ يجعلنا نشعر بأنَّ وليد بك محمولٌ في بعض الأحيان. هل تصدقون؟ هنا ما العمل؟!...

عدد الجمعة ٣ تشرين الثاني 2006

[Layyouss]

عقاب صقر 49238 !!!

زياد الرحباني

أكبر كتلة بالنتيجة طِلعِت "كتلة المستقبل" وهاي الكتلة الوحيدة الّلي ما إلها مستقبل. ممكن تجيب المستقبل للشعب اللبناني السعيد، بس لإلها صعبة، ما إلَها، وعلى مسؤوليتي. ما هنّي كيف قدروا طِلعوا ستين نايب، طلعوا لأنو حشروا فيها راس وكعب، قول معي: قوات لبنانية، قوات سليم دياب المنحلّة، لواء مجاهدي عكار، كشّاف الجرّاح، قرنة شهوان، مسيحيي 14 آذار، وانتبِهلي: قوى 14 آذار وأرمن التزكية والحوري، الحوري كتلة وحدو، وغازي يوسف، غازي جايب يا عالم 76410 ! وبقايا تجّار مرفأ بيروت ـ إي هاي الجَمعَة متل ما إنها أكبر جَمعَة بالمجلس الجديد، هيي كمان أكبر تجمّع للبروستات بالبيروتَين... بعدين قد ما ولاد طريق الجديدة بيحبّوا "الحكيم" قد ما البشرّاوية جماعة العَرَق الـ sec ومريم ام النور بيحبّوا نهاد المشنوق، خاصة بس يرخي حَنَكوُ ويعرِّض النِطِق ويِقشط البيروتي من "بؤو" (تِمّو)، شو لكان؟ البشرّاوية بيحلفوا بإسمو للمشنوق إي والله... بعدين هولي كومة كبيرة من التجّار يعني هولي بيتعاقَدوا أكتر ما انّو بيتحالفوا، التجّار، الله ما بيعرفوه، بدّك يتعاطوا بالسياسة او يقروا تحليل؟ ما بدّك يكون في وقت يقروه واذا قريوه يفهموه، لذلك ولأسباب كتيرة "لا يتّسع هذا المقال لتعدادها"، هاي الكتلة الوحيدة اللي ما الها مستقبل، ما بيأثّر، بس عندها بالمقابل ماضي.... أخو اختو... هلّق المهم بالنسبة لألهن، إنهن طلعوا، صاروا جوّا يعني... الويل لأمّةٍ!
في إشيا بدّو يقيّد فيها ملاحظة الواحد (note)، بدّها تسجيل عاورقة، بس في إشيا: لا، ما بدها شي... إشيا بتقتحم الذاكرة، في إشيا بتخلخل الخَرَف حتى! متل سقوط فارس سعيد أو سقوط ميشال كوكو معوّض وطبعاً بأسبقية تبخّر إمّو الفاضلة من وقتها، إي شو هيّنة؟ تنين من بيت معوّض زاحوا؟ إنشا الله معوّضين يا رب... درب الحرية طويل وميشو عارف وعم بيأسّس وهوي قال، أنا سمعتو.
أما "مصباح خوليو الأحدب" فحدّث ولا حرج ولا هَمَج ولا دَرَج كل شي عملو إنو خَرَج. أنا ممنونو الشعب إنفرج. (هاي بلكي بيلحّقها الفنان عاصي الحلاني وبيلحّنها وبيغنّيها، وما بيدبكوا وراه مغاوير الجيش تحت أيّا ظرف من الظروف، أنا رح جرِّب إحكي مديرية التوجيه). وليش كارلوس راميريز إدّه مش ضيعانو؟ خاصةً بوجود أوغاسبيان وهلق نايلة التويني، هولي كانو تلاتي بيقدروا يأسسوا مَجمَع لغة عربي لبناني لـ "نزلة فسّوح" و "طلعة العكّاوي" وشو بدهن بأهالي أدما أو الكسليك، هوليك كتير ضعاف بالعربي... إنو اللبناني يعني... قليلة يا جماعة إنو كل المِلَل بالبلد بتقول بكل بساطة: ما بيعرف يحكي عربي وبتقصد: لبناني... هاي معناتها شو؟ معناتها إنو اللبناني تفصيل عند الهوية، متل ما البَحريَني تفصيل او المصري تعطيل وإحنا عَرَب يا سوسو!
وبعدين معليش اذا غطاس خوري تعرّض للغبن وللطعن وشعور لأسبوع قبل وأسبوع بعد بأنّو من المستضعفين... مُخبر أميركاني مستضعف واستفرد فيه الاستكبار بهالآخرة، هاي إشيا "جَدِيدِة" لانو الشرق الأوسط هلّق، "جَدِيد". ما بيهمّ، المهم "الحكيم" مبسوط مع إنو قلّلوا نوّابو واحد وزادوا نواب الكتايب واحد (يرجى الانتباه) بس هولي بيتنزّلوا واحد بسهولة، بكرا هيك بالأحداث المتفرّقة للي عادة بتكون وراها سوريا بحسب رئيس الهيئة التنفيذية للقوات اللبنانية، كأنو حدا مصدّقو هوّي وهاللقب. بتعرِف لي مبسوط؟ لأنو عم يحسب كتلة المستقبل بأمّها وأبوها فوق رَهط نوّابو الخمسة، عم يحسب كل نايب منّو للجنرال عون، لإلو... إي والله. قد ما بيعزّو وبيقدّرو.
(تابع)


عدد الجمعة ١٢ حزيران ٢٠٠٩

[Layyouss]

عقاب صقر 49238 !!! (تابع)

زياد الرحباني
... أساساً «الحكيم» ما بينلام إذا مبسوط بالنتايج الانتخابية، ما الحكيم مبسوط من سنة الـ2005 لأنّو شي جديد عليه، كل هالأشيا اللي صارت من الـ2005 لليوم جديدة وشايفها حلوة، من الحلف مع جنبلاط للرد عحزب الله، وخصوصي بينبسط بس يرد عـ«السيّد حسن». بعدين من استهداف المناطق الشرقية بالعبوات الليلية لمصرع بيار أمين الجميل لسمير قصير، قول هيدا الله يرحمو ما كتير كان بيعرفو بس سأل الست ستريدا عنّو، كمان ما عرفِتْ، فسألوا آخر شي إيلي كيروز، قلّهن «هيدا كان معنا بساحة الحرية وشايفو قبل»، بعدين «الحكيم» صار بدّو ينزّل إميل لحود قبل نهاية ولايتو وحسّ إنو الجوّ حلو، السوريين ضهروا بهالسرعة، هات لنطلع عا بعبدا، هات لنتشكّى عا بيار الضاهر وناخد محطة الـlbc بفرد مرّة. شوي وليد عيدو من هون، أنطوان غانم من هونيك، حسّ برنامجو فجأةً اتعبّى وصار لازم يعطي رأيو برئيس الجمهورية الجديد فركّز هوي ومدامتو عا إيد البطرك وعالصلا والصوم وعالمسيحيين الأصليين بفرد مرّة! وانعزم آخر شي عا مؤتمر الدوحة، أي ما صدّق أكيد! طاير من البسط لأنّو بالنهاية طلِع من الحبس بدون ما يكفّي فترة حكمو وعِلِق يزرّك لكل اللي كانوا هنّي مبسوطين بحبسو. صار بدّو يعلِّم بيت كرامي كيف بيردّوا عليه إذا بدهن يردوا... هيِّن الحكيم فِكرك؟
صراحة بيحتار الواحد بمين بدو ينبسط أكتر، بـ«الحكيم» ولاّ بنايلة التويني؟ هه! هاي نواب! هاي شباب، هاي «نهار الشباب» كلّو يَطّأ عند «برّي»!!
صار رئيس المجلس الحالي والقادم بإذن الله، عندو «ستريدا دوميلانو» و«نفرتيتو»، مش «تي»، «تو»، لأنّو منخار السيدة تويني جاي بَرم، ومش مأثّر عالجاذبيّة فما بيأثّر... اللي بيأثّر هوّي رجْعِة جان أوغاسبيان، أنا مثلاً بتأثّر بهيك أشيا، صراحة ما بدنا ننتهي بالمحاكم بدعوى من أوغاسبيان عا جريدة «الأخبار» ورئيس تحريرها اللي بدّو خبرية بالناقص، بس أوغاسبيان القوي جداً بالتحنيط والتصبير واصل لصيغة لغة لا عربية ولا أرمنية ولا نحوية، شوفوا شو بدكن تعملوا، ولغة بعدها لأنها جديدة مش دايمن بتنفهم عليه، أوقات المذيعة بتفكّرو خلّص جوابو، بتبلّش تسألو السؤال التاني، بيكون هوّي بعدو بنصّ الجواب الأول، هيك شي... وهيدا رِجِع، إذا بقريطم بيفهموا عليه، مش قصّة.
غازي يوسف 76410 أصوات، شي متل الكذب، أيّا، هيدا الكذب بعينو حتى ولو انوجدوا الوراق بالصناديق، عم بحكي عن شي تاني أنا، 76410 أصوات شو عمّار الحوري هوّي؟! عمار آخد أقلّ، عمار 76201 صوت! معقول؟ يحترق بيتو لعمار لحتى غازي يوسف يجيب أصوات أكتر؟ هلّق محمد الحجّار برضو طِلِع بس عندو مشكلة، الحجّار جايب 62072 صوت. بس كيف رح يشوفهن؟ أنا صراحة ما بعرف هوّي كيف بيشوف، الحجّار بيضل مغمّض، هلّق أنا مش شايفو إلاّ عالقاعد وبيكون مغمّض، ما في عيون يعني تشوفها، شو بيعمل لهيك؟ ما بعرف. وهولي بيجولهن شي 62000 إنسان، كيف رح يقدر يشوفهن كلهن، هلّق يمكن ما تكون قصة طالما هنّي بيأمّنولو!
وسامي الجميل شو؟ سامي طِلِع؟ النتايج الرسمية هيك بتقول، يعني خَلَص بدنا «نعْطُبِر» إنّو مضبوط (نعطبر بحرف الـ ط مش الـ ت، وهاي مش غلطة مطبعية، هاي «نعطبر» متل ما بيلفظها الرئيس أمين الجميل) وهيدا لفظها المضبوط، لأنّو الرئيس جايبها معو أباً عن جَدّ من مصر ومصر هيي المصدر، مصدر بيت الجميل نفسهن، «غَاتَك نِيلة»!
طيّب بأيّا منطق بيطلع سامي وفارس سعيد الأمين العام لقوى 14 آذار ما بيطلع وهاي تاني دورة، فارس سعيد «حبيب القلب» فارس هوي ومازولا، وكيف الطريقة نْفَهّمو إنّو فهمنا إنّو هلّق انْعَرَفْ مين مظبوط بيمثّل المسيحيين حسب ما هوّي بيتمنى: إنّو مش العماد عون رغم الـ22 نايب إللي طلعولو، كيف في طريقة يطلع عالتلفزيون ويحكي بس بغير شي؟.
أما دولة الرئيس «مايك المرّ» فشي تاني دوماً... مايك سقط بسّ طِلِع أوكّي؟ هيك أصولها، يعني ما طِلِع بس طِلِع، هاي سنّة المتن الشمالي يا شبابي!! هيك هوّي معوَّد وداوخ الكل شي أكيد، لأنو إذا ما طِلِع بتأذّوه، وإنتو ما بتريدوا، شخصية تاريخية فاتحمّلوه وبلا تْشِفْشُق حكي وإشاعات.
أما طرابلس فالصَفَدي حلّق ويا ريت ضلّ وحدو، سمير الجسر جايب أقلّ منو بـ12180، وبيستاهل لأنو مفكّر إنو هوّي المستقبل الأصلي. إنّو إذا هوّي المستقبل، الصَفَدي اللي جايب 66139 صوت شو بيكون، الآخرة يعني؟ هلّق طبعاً من أهم اللي بقيو بالمنية ـ الضنية، «الفتفت» أحمد فتفت جاب 37667 صوت، هولي بالنسبة لـ«العميل 009» أكتر من ممتازين، أحمد فتفت صحيح، بس رجع يفتفت فجأة، وما في خوف صرنا عا آخر، راح الكتير وبقي القليل. من اللي رجعوا طلعوا كمان بالبقاع الغربي، جمال الجرّاح بـ33389 صوت، على فكرة جمال هوّي الوحيد اللي بعد ما انلقط، وأنا بفتكر إذا وصلولو للجرّاح هيدا، رح يكون محوَّل عا «غوانتنامو» دغري، ما ببيت ليلة بنظارة قصر العدل.
(يتبع)


عدد السبت ١٣ حزيران ٢٠٠٩

[milouvr3]

did someone have ziad rahbany new song?