Yassine
أنا كثير انبسطت فيك بالعكس ..وإجا ردك بالقول والفعل دعماً لفكرتي ورد مباشر على كابا (كتبت الاسم بالعربي مشان ما يقلب لأول الحكي بالتنسيق) )
Danny Z
أول سطرين ..معك 100%
بس بعدين نزعتها (إذا كان الحكي موجه لألي مو لفؤاد) ..
مع أنو لغتي الثانية خلال تعلمي (بمدرسة راهبات) هي الفرنسي ..وما صرلي غير سنتين مبلش انكليزي ..بس عم أقدر أفهم كل شي عم تكتبوه تقريباً ..ما حدا عم يكتب بلغة شكسبيرية
طبعاً قدرتي على التعبير عن نفسي بالعربي أقوى بكثير من الانكليزي ..بس عم دبر حالي ..وبالقراية نهائياً ما في مشكلة ..
الفكرة من حكيي أنو إذا عن تفكر عربي وعايش ببلد عربي ومعتز بهويتك العربية اللبنانية (أو غير اللبنانية ما في فرق !!)..ليش ما تعبر عن هالشي على أرض الواقع وتستخدم اللغة العربية بالتواصل بين ولاد الوطن الواحد واللغة الوحدة وبالمواضيع المحلية... دون إغفال أهمية امتلاك أدوات التواصل بلغات ثانية
ومشان فتح منتدى عربي بس ..انا ضد ... سبق وقلت أنا مع التعبير باللغة العربية بكل المنتديات يلي بتحتوي مواضيع محلية الطابع
هاد رأيي
