بكوخنا يابني
فيروز
بكوخنا يا ابني بهالكوخ الفقير
و التلج ما خلى و لا عودة حطب
و الريح عم تصفر فوق منو صفير
و تخزق بهالليل منجيرة قصب
وقفوا عشباكك يدقوا العصافير
بجوانحن يا جوانحن المتشرنين
جايين يتلطوا عا كتر الزمهرير
و رفيقك البلبل شو مشتقلك كتير
مخبيلك بعبو شي مية سوسنه يا ابني
على واه لو فيي يا عيني لاطير
اتفقدك يا رجوتي بعدك زغير
عمرك و عمر العطر ما كفوا السني
و شو الدنيي يا بني و شو طعم الدنيي
ان ما هبّجت وجهي بإيديك الحرير
شو الجرس هالحامل بشارة العيد
شو ألف عيد و ألف قنينة نبيذ
صوتك اليتدحرج بقلبي و عم يضيع
نازل عن التلة بهالوادي البعيد
حامل بإيد الصبح و بأيد الربيع
و من يوم هالغيبي و الله يسامحك
عم فرفت بهالفل عم قطف ريحان
عم بستعير من السما أجمل ألوان
و خرطش عا هالحيطان لنو ملامحك
و هالقلب عم حفو على اجريين السرير
عم مرمغو بلعبك بمطارحك بفراشك
بريحة ريشات جوانحك
بغبرة حوافر حصانك هالزغيري يا بني