[Kakou]

قال مرّة كان في أرنب أبيض وحلو كتير بس أعمى.



إجى مرّة وجرَّب يطلع بطلعا قويّة كتير، وبس وصل على نصّها، تفركش ووقع ! وصار يتدحرج ويتدحرج توصل على كعب الوادي وإجا واقع على ضهرو على ضهر ضفدعة .



صرخت الضفدعة وقالت: مين إنت يللي وقعت عليّي ؟



قلها: أنا صوفي أبيض وناعم وحلو كتير، سريع كتير والصيّادة ما بيقدرو يلقتوني، الناس كلّا بتحبني لأني ما بزعجها ولأني كتير مهضوم، وأنا أعمى...



قالت الضفدعة : عرفتك ! عرفتك ! مش إنتا الأرنب الأعمى؟



ردّ الأرنب وقلّها: صح، هيدا أنا، بس إنتي مين؟



قالتلو الضفدعة : أنا جلدي ورأسي مالس وبيزحِّط، عينيّيه باظّين ونافرين لبرّا، بضَلّني قعقي ليل ونهار، ما بسكت أبداً، الناس كلّا بتنزجع منّي...



ردّ الأرنب وقلّو: عرفتك! عرفتك! مش إنتا...





وليد جنبلاط بيك ؟!